Header Ads

https://www.youtube.com/channel/UCERjz5nmYNOtG_WBi-1S4xA

Baada ya Kifungo Kumalizika Mdee, Bulaya Watinga Bungeni

Baada ya Kifungo Kumalizika Mdee, Bulaya Watinga Bungeni


Kifungo walichokuwa wakitumikia wabunge wa Chadema, Ester Bulaya (Bunda Mjini) na Halima Mdee (Kawe) cha kutohudhuria shughuli za Bunge  kimemelizika na leo Januari 30, mwaka 2018 wamehudhuria kikao cha kwanza kwa Bunge mjini Dodoma.

Wabunge hao waliingia katika ukumbi wa Bunge saa 3:28 asubuhi na kushangiliwa kwa makofi, mengi kutoka kwa wabunge wa upinzani huku wabunge wachache wa chama tawala wakitoa kauli za kuwatania.

Wabunge hao waliadhibiwa kwa azimio la Bunge Juni 5 mwaka jana kutohudhuria mikutano mitatu ya Bunge ambayo ni jumla ya siku 47, waliyokosa ukiondoa shughuli zote za mikutano ya kamati za Bunge.

Adhabu hiyo ilikwenda sanjari na kulipwa nusu mshahara na posho kwa kipindi chote walichotumikia adhabu hiyo wakituhumiwa kudharau kiti cha spika.

Mikutano mitatu waliyoikosa ni wa bajeti uliokuwa ukiendelea, wa saba uliofanyika kati ya Septemba 5 hadi 15 na mkutano wa tisa wa Novemba 7 hadi 17. 

No comments:

Powered by Blogger.