Header Ads

Mwalimu ahukumiwa kifungo cha miaka mitatu jela kwa kesi ya uhujumu uchumi

Mahakama ya Wilaya ya Maswa mkoani Simiyu, imemhukumu kifungo cha miaka mitatu jela pamoja na kurejesha Sh milioni 10.3, Mwalimu Josiah Mkome baada ya kukutwa na hatia katika kesi ya uhujumu uchumi iliyokuwa inamkabili.

Mwalimu Mkome alikuwa akifundisha Shule ya Sekondari Kandawe wilayani Magu, mkoani Mwanza alishtakiwa kwa kosa la kupokea mishahara miwili kutoka katika Wilaya ya Magu na Maswa kinyume cha sheria.

Mwendesha mashtaka wa Taasisi ya Kuzuia na Kupambana na Rushwa (Takukuru) wa Mahakama ya Wilaya ya Maswa, amedai mbele ya Hakimu Mfawidhi wa Mahakama hiyo Fredrick Lukuna, mshtakiwa alipokea mishahara hiyo miwili tangu Februari mwaka 2012 hadi Mei mwaka 2015.

Get it on Google Play

No comments:

Powered by Blogger.