Header Ads

Hizi ndizo Bidhaa za chakula zilizochangia kupungua kwa mfumuko wa Bei wa mwezi Januari ,2019






             
DODOMA.Imeelezwa  kuwa Mfumuko wa Bei wa Taifa kwa Mwaka ulioishia mwezi januari , 2019 umepungua hadi asilimia 3.0  kutoka asilimia 3.3 kwa mwaka ulioishia mwezi Disemba mwaka 2018.

Hayo yamesemwa na Jijini Dodoma na  Mkurugenzi  wa sensa ya watu na Takwimu  za jamii Ephraim Kwesigabo wakati akizungumza na waandishi wa habari Jijini Hapa.


Aidha, kwesigabo ameongeza kuwa kupungua kwa mfumuko wa bei wa Taifa kwa mwaka ulioishia mwezi Januari , 2019  kumechangiwa hasa na kupungua kwa bei za bidhaa za vyakula kwa kipindi kilichoishia mwezi januari ,2019 zikilinganishwa na bei za mwaka ulioshia mwezi januari, 2018 huku mfumuko wa bei wa bidhaa za vyakula na vinywaji  baridi kwa mwezi  januari ,2019 umeendelea kupungua hadi asilimia 0.7 kutoka  asilimia 1.0 ilivyokuwa mwezi disemba , 2018.



Mbali na hilo amesema Baadhi ya Bidhaa za chakula zilizochangia kupungua kwa mfumuko wa Bei wa mwezi Januari ,2019 ni pamoja na mchele kwa asilimia 3.9, mahindi 13.9, unga wa mahindi kwa asilimia 8.9 , mtama kwa asilimia 5.1, unga wa muhogo kwa asilimia 6.8, maharage kwa asilimia 4.2, choroko kwa asilimia 10.5, mihogo mibichi kwa asilimia 5.6 viazi vitamu kwa asilimia 3.3, magimbi kwa asilimia 18.6 na ndizi za kupika kwa asilimia 13.3.


Katika hatua nyingine amesema hali ya mfumuko wa Bei kwa nchi za afrika mashariki ambapo Nchini  Kenya mfumuko wa bei kwa mwaka uliishia mwezi januari ,2019 umepungua hasi asilimia 4.70 kutoka asilimia  5.71 kwa  mwaka ulioishia mwezi disemba, 2018 na kwa upande wa Uganda mfumuko wa Bei kwa mwaka ulioishia  mwezi januari ,2019 umeongezeka hadi asilimia 2.7 kutoka asilimia 2.2 kwa mwaka ulioishia  mwezi Disemba mwaka ,2018



Hatahivyo, Ofisi ya Taifa ya Takwimu (NBS) ni Taasisi ya umma iliyoanzishwa kwa sheria ya takwimu ya mwaka 2015, kwa mujibu wa sheria hiyo NBS  imepewa  mamlaka ya kutoa na kusimamia na kuratibu upatikanaji  wa Takwimu Rasmi Nchini ikiwa ni pamoja na takwimu  za mfumuko wa bei kwaajili ya matumizi ya serikali na wadau wa takwimu.


Na jackline victor kuwanda 

Get it on Google Play

No comments:

Powered by Blogger.