Header Ads

Ethiopia yavipeleka Paris visanduku vyeusi vya ndege yake kwa uchunguzi


Shirika la ndege la Ethiopia limesema jana kwamba limevisafirisha visanduku vya kurekodi kumbukumbu ya mawasiliano ya ndege au (black box) vya ndege ya Boeing 737 Max 8 iliyoanguka na kuwauwa watu 157 hadi Paris Ufaransa kwa uchunguzi.

Katika taarifa iliyoandikwa katika mtandao wa kijamii wa Twitter shirika hilo limesema ujumbe wa Ethiopia ukiongozwa na kitengo cha uchunguzi wa ajali AIB kimevipeleka visanduku hivyo huko Ufaransa.

Ethiopia imesema kuwa haina vifaa vya kusoma data zilizorekodiwa katika visanduku hivyo na Ujerumani imesema haitavifanyia uchunguzi visanduku hivyo kwa kuwa haiwezi kusoma mfumo wa kompyuta uliotumiwa na shirika la Boeing.

 Mkuu wa Shirika la Mamlaka ya Anga la Marekani, FAA, Daniel Elwell amesema kuwa visanduku hivyo vya kurekodia data viliharibiwa katika ajali hiyo.

Kulikuwa na kimya cha dakika moja nchini Kenya katika mkutano wa kilele wa Umoja wa Mataifa wa One Planet ambao Rais Emmanuel Macron wa Ufaransa anahudhuria, kuwakumbuka waliofariki katika ajali hiyo.

Get it on Google Play

No comments:

Powered by Blogger.