Header Ads

Waziri Mkuu wa Uingereza kufanya mazungumzo na kansela Angela Merkel


Kansela Angela Merkel wa Ujerumani atakutana kwa mara nyengine tena na Waziri Mkuu wa Uingereza Theresa May kesho mjini Berlin kuzungumzia Brexit.

Mazungumzia yao yanatarajiwa kujikita katika suala la kurefushwa muda wa Uingereza kujitoa katika Umoja wa Ulaya.

Jumatano inayokuja waziri mkuu Theresa May anapanga kuwaomba viongozi wa Umoja wa Ulaya watakaokutana kwa kikao cha dharura, waridhie mchakato wa Brexit urefushwe hadi Juni 30.

 Umoja wa Ulaya umesema wazi kabisa, May anabidi awasilishe mpango utakaofafanua jinsi utaratibu wa Brexit utakavyokuwa.

Wakati huu tulio nao chama cha kihafidhina cha waziri mkuu Theresa May kinajadiliana na kile cha upinzani cha Labaour kuhusu namna ya kusawazisha mkwamo katika bunge la Uingereza mjini London.

Waziri mkuu wa Uingereza amepanga kukutana pia na Rais wa Ufaransa Emmanuel Macron kesho mjini Paris kuzungumzia suala hilo hilo la Brexit.

Get it on Google Play

No comments:

Powered by Blogger.